Tama ang sinasabi mo na yaong mga tao na syang kumakatawan sa 14 ng Bilyong dolyar na remittances kada taon ang may mas mabigat o malakas na boses ang syang nananaig sa ngayon.

Pero ang mga taong tulad natin na palaging may katanungan sa kung ano ang dahilan kung bakit nagkaganito ang ating lipunan ay isinasantabi lamang.

Mahigit na 35 taon na ang nakakaraan ng ilatag ni FM ang Filipino ideology pero ang nakita ko ay mas matimbang ang US VISA keysa sa anumang mga thesis at anti-thesis na maghuhubog sa pagka-Pilipino.

May mga tao na rin akong nakasalamuha na mas binibigyang halaga kung ikaw ay “US citizen kana ba?” , “resident ka na ba sa Merika?”.

Kung noong nakaraang 50 taon, ang Maynila ay syang ultimate destination ng bawat nakatira sa probinsya. Ngayon ay ang mainland USA na ang syang layunin ng bawat Pilipino na makubkob.

Isipin mo na lang kung susunod na henerasyon ay mga Pilipino ang magpapatakbo ng burukrasya sa Amerika?

Dito sa Pinas, pansinin mo sa mga buruksasya, mapapribado man o mapapampubliko, hindi ba’t sariling interes ang nanaig dito? Kung hindi ka kakilala o walang koneksyon ay hindi mabibigyang pansin iyong nais iparating.

Ang nais kong ipabatid sa iyo Petite, ay kung ano ang itinuro sa atin noon ni FM na Filipinism ay heto na tayo ngayon.

Samantalang mas nakararami sa atin ay mas nanaisin pa na mas mabuti pa na maging probinsya na lang tayo ng US of A – na syang nakaka-alarma sa mga tulad natin.

Sa kasalukuyang DEMOKRASYA na ipinapakita ng Pilipinas(hwag lang tayo matuon kay GMA) – Ang Pilipinas ay isang classic example ng success of American founding fathers.

Samantala, bibigyan halaga ko na rin dito ang ibig sabihin ni Charles V(Holy Roman Emperor 1519-1556), “…humayo kayo at magpakarami”.

Again its time for the middle class, which includes media to admit that Edsa Dos is a mistake.

Ka Nelbar,
Sa paksang “we deserve better”; kung anong “uri” ng lipunan na mayroon tayo ngayon? ang lahat po ng mamamayan ng Pilipinas ay sangkot at may pananagutan. Narito po ang katugunan sa inyong katanungan:

Una, para sa kabutihan at kapakinabangan ng sambayanan ay “wala pong monopolya ng kawastuhan at inteliktwal para sa pagbabago’t pag-unlad ng bansang Pilipinas, bagkus ang pangunahing-sangkap ay ang makatotohanang pagpapa-katao at pagrespeto sa kapwa-tao, at hindi po dapat na i-gapos nang anumang “ismo”.

Ikalawa; Mula sa pagiging mamamayan ng Pilipinas, magpasa-ngayon po ay pinangingibabawan pa rin ng negatibong aktitud na “kulturang rehiyonalismo”, na ang mga iba’t-ibang etnikong-linggwahe ay siyang guhit ng pagkakahati-hati ng mga Pilipino. Mayroon bang ganap na pagkakaisa ang mga kapampangan, ilokano, cebuano, bikolano, intsik…? Kung may ganap na pagkakaisa ang mamamayan ng Pilipinas, “nasaan na nga ba tayo ngayon?”. Nawa’y ang bawat isa’y kilalanin na siya’y hindi isang kapampangan, ilokano, bikolano, cebuano, intsik… bagkus damahin nila, na sila’y namumuhay sa iisang bansa. (hal. 1. “Arroyo has to go, she has done the nation a disservice, she has disrespected us Kapampangans.” – GksaBaryo. 2. At ang aktitud na “sa pagsasa-walang-kibo at piping-dilat ng maraming katulad ng katauhan ni “Sheryl”, na kapag sa pakiramdam niya/nila na “ligtas ang kanyang pamilya” ay wala nga paki-alam sa ibang pamilya’t sa bayan, ito ang negatibong balyus na “kanya-kanya” o kasakiman)

Ikatlo; Ano ba dapat? Pilipinismo o Asyanismo? O fiefdom ng bansang Estados Unidos? Ka nelbar, mas maiman po ang ganitong katanungan, ano bang sistemang panlipunan ang nararapat sa bansang Pilipinas? Kung ano po ang nararapat, dapat na maghari ang “bayan muna, bago ang pang-sariling-interes”. Mula sa paghahari’t kapanibangan ng mamamayan ng Pilipinas sa kanyang angking likas-yaman at tao’ng-yaman, ay nararapat na tunguhin nito ang pakikipag-kapwa-tao sa aspektong pangdaigdigan, na kaalinsabay sa pagsasagawa ng isang konkretong programang re-integrasyon para sa natatanging sector ng paggawa na tinatayang humigit-kumulang sa 10M OFW na nagkalat sa iba’t-ibang panig ng daigdig. Bagay na, anumang sistema na naisin ng taumbayan, maging ito’y sosyalismo o kapitalismo, ito ba’y tutugon sa programang re-integrasyon para sa mga OFW, at upang hindi na po aasa pa ang pamahalaan sa 14b usd kada taon na remitanses nito, upang masabi lamang ng kasalukuyang rehimeng Gloria na maunlad at matatag ang pambansang ekonomiya. Subalit, malayo pa… at lubhang nangangailang ng mahapding-muling-pagsilang ang bansang Pilipinas, sapagkat ang nai-talang “kataksilan” ng mga iilang ganid na Pilipino sa ating kasaysayan noong panahon ng Dakilang Rebolusyong 1896 ay walang pinagbago’t bagkus lalong lumala pa sa kasalukuyang panahon, sa katotohanang biktima ang “10M OFW” na ginagawang gatasang-baka lamang ng mga iilang ganid na mamamayan ng Pilipinas, upang mapagtakpan ang kanilang kahayupan at pagnanakaw sa kabang-yaman ng Pilipinas.

Ika-apat; Muli, ang primari sanhi ng kahirapan ng ating bansa ay yaong “kulturang kataksilan” ng mga Pilipino! At ang sekondaryong sanhi ng kahirapan ay yaong di-lantad na pagkontrol ng dayuhan. Matagal nang may iilang Pilipinong sumisigaw na “ibagsak ang imperyalismong tsina”, datapuwa’t ngayon lamang po ito muling-umigpaw nang mabulgar ang pakikipag-laro at pakikipag-kutsaba ni Gloria sa dambulahang bansang Tsina sa ngalan ng “pautang” at ang kapalit ay yaong isla ng spratly, ang lahat ng iyan ay nang dahil sa pagsingaw ng maanomalyang NBN/ZTE Deal. Kaya’t dapat na tutulan ang anumang uri ng imperyalismo, maging ito’y US o Tsina.

Ka Nelbar, batay po sa aking kapanonotan, ang tunay na diwa ng asyanismo ay yaong pagkakaroon ng “one currency policy” na ipinanukala ni Mahathir (ng Malaysia) para sa mga bansang kasapi ng ASEAN, i-tama po ninyo ako, kung ako’y nagkakamali. Ngayon po ay nais ko pong mabatid kung ano ang kahulugan ng Pilipinismo? Ang Pilipinismo ba’y anti-mamamayan o pro-mamamayan?

Nawa’y ibigay natin ang Para sa Diyos, at ibigay ang Para sa Bayan!

just hoping there still a chance to regain and redeem our lost dignity as a nation and people from the claws of the tyrant.

binalewala at niyurakan mo ang aming karapatan sa pamamagitan ng pagsasawalangkibo gayung hawak mo ang susing dapat naging daan upang noon pa ay nagdusa na sa madilim at malamig na piitan ang mag-asawang kawatang hanggang ngayon ay namamayani pa rin sa malakanyang at ipinagpipilitang wala silang dungis at batik sa pangalan.

noon pa mang una ay napatanto mo na hindi siya naging tapat sa kanyang mga pangako at salita subalit hinayaan mo pang manaig ang ginawang pandaraya, kumapit tuko na sa bawat sulok ng palasyo at tuluyang nalango sa kapangyarihan, ano pa ang aasahang bibitaw ‘yan sa poder nang walang dugong dadanak?

kumbaga sa talahib ay hinayaan mong mag-ugat muna ng lubusan at ngayong ang iyong linang ay sinakop na’t wala ka nang makitang hawan ay saka ka kikilos upang puksain nang meron kang mapagpunlaan?

idinamay mo rin ang kinabukasan ng iyong dalawang supling.

Ano ba dapat?
Pilipinismo o Asyanismo?

O piefdom ng bansang Estados Unidos?

“Not just the Kapampangans did she do a disservice. In fact, she is also a disgrace to all Filipinos!” – hawaiianguy

Ka hawaiianguy,

Katumpakan po ang inyong tinuran, si Gloria ay Pilipino, anumang kabulukan ng kanyang pamamahala sa pagpapatakbo ng ating bansa’y siya ring repleksyon at larawan ng Sambayanang Pilipino!

GKsaBaryo,

Nawa’y wakasan na ng bawat Pilipino ang kulturang “rehiyonalismo”, ito po ay negatibong aktitud ng mga Pilipino, na isa sa nagbibigay ng kadahilanan sa pagkakawatak-watak ng Sambayanang Pilipino.