Huwag magkamaling pumunta dito sa Pilipinas itong si Chip Tsao at babalatan siyang buhay.
Itong si Chip Tsao na taga Hongkong ay sumulat sa isang Hongkong magazine at galit na galit siya sa mga Pilipino dahil kini-claim ng Pilipinas ang ilang isla sa South China Sea. Sa pag-iisip kasi ng China, sila ang may-ari ng buong South China Sea.
Maliban sa Pilipinas at China, apat pa ng bansa ang nagsasabing sila ang may-ari ng ilang isla diyan sa South China Sea katulad ng Vietnam, Malaysia, Brunei at Taiwan (na sinasabi ng China na probinsiya lang nila.)
Okay lang ang may mga claim na hindi magkatugma. Pwedeng pag-usapan ng maayos. Ang hindi okay ay ang panlalait na ginawa nitong si Tsao.