Sa pag-uusap naming mga reporter, sabi naming maganda siguro ngayon ang coverage sa House of Representatives kasi maraming mga kontrobersyal na personalidad.
Unang-una na si Gloria Arroyo na ngayon ay representative ng pangalawang distrito ng Pampanga. Kung aprubahan ng Comelec ang nominasyun ng kanyang anak na si Mikey bilang sectoral representative ng Ang GalingParty na partido kuno ng mga tricycle drivers at security guard, magkasama silang mag-ina.
Maliban naman kay Mikey may isa pang anak si Arroyo na congressman din: si Dato ng unang distrito ng Camarines Sur. At nandyan rin ang kanyang bayaw na si Ignacio “Iggy” Arroyo ng panglimang distrito ng Negros Occidental.