Maligayang Pasko!
Sa kabila ng lahat na kalamidad, natural at kagagawan ng tao, marami pa rin tayo dapat ipasasalamat sa Panginoon.
Unang-una buhay tayo. Isipin nyo na lang ang mga sawimpalad noong bagyong Ondoy o kung nakasama tayo sa 57 na kasama sa Maguindanao masaker.
Ngunit ang pamilya ng 57 ay mabuti pa rin ang lagay dahil nakita nila ang bangkay ng kanilang mga kamag-anak. Nailibing ng maayos. Mas mahirap ang lagay ng tatlo na hanggang ngayon ay hindi pa nakikita ang katawas. Dalawa doon ay reporter din at ang isa yata ay ang operator ng backhoe na ginamit para sana itago ang krimen.