Tag: Pre Salic

Lumabas itong kolum sa Abante

Enjoy ako mag-cover ng kampanya sa eleksyun. Maliban sa marami kang lugar mapupuntahan, marami kang makakatagpo na iba-ibang personalidad.

Katulad ng rally ni Bise-Presidente Jejomar Binay sa Saranggani at General Santos noong Martes. Si boxing champ, Manny Pacquiao, ang kinatawan ng Saranggani sa kongreso, ang host. Tumatakbong senador si Pacquiao sa ilalim ng tiket ng United Nationalist Alliance (UNA) na pinangungunahan ni Binay. Siyempre maraming tao.

Sa Alabel, ang pangunahing bayan ng Saranggani, dumalo si Mommy Dionisia, ang ina ni Pacquiao.