Malaking tulong ni Lapid para maintindihan ang RH bill
Dahil kay Sen. Lito Lapid, na minamaliit ng marami dahil hindi mataas ang pinag-aralan at hindi marunong mag-English, naipa-alam sa marami na walang koneksyun ang pag-inom ng birth control pills sa pagpangank ng pre-mature na mga sanggol, bingot (harelip) at pag-aanak ng marami sabay-sabay katulad ng triplets, quadruplets at ang iba mas marami pa.
Ang nakakatuwa dito, ay hindi naman talaga pro-RH (Reproductive Health) Bill si Lapid. Marami siyang agam-agam tungkol sa paggamit ng contraceptives na sinusulong bill para mabigyan ng pagkakataon ang mga mag-asawa na maplano ang laki ng kanilang pamilya.
Dahil itinanong ni Lapid kay Sen. Pia Cayetano, ang may-akda ng bill kasama si Sen. Miriam Santiago, naipaliwanag ni Sen. Pia.
Tinanong ni Lapid kay Cayetano kung siya ba ay nakadanas ng side effects nang siya ay gumagamit ng birth control pills dahil sabi niya, hindi maganda ang naranasan ng kanyang asawa. Ikinuwento niya ang kanyang karanasan.