Sana naman respetuhin ng media karapatan ng ina ni George Francis, ang sanggol na iniwan sa basurahan sa Gulf Air nong isang linggo, sa “privacy” o pag-iisa habang inaayos niya ang kanyang buhay.
Sana naman sundin ng media ang paki-usap ng Department of Social Welfare and Development na huwag siya at ang kanyang pamilya pagpiyestahan.
“Huwag nyo gawing telenobela ito,” paki-usap ni Social Services Dinky Soliman lalo na ng malaman niyang may cre ng TV station na pumunta doon sa probinsiya sa pamilya ng babaeng tinututukoy palang na ina ni George Francis. “Bigyan nyo siya ng kahit isang buwan,” sabi ni Soliman.