Dumadaan sa matinding pagsubok ngayon ang pamahalaang Aquino dahil sa trahedya na nangyari noong Lunes sa Rizal Park kung saan walong turistang galing Hongkong ang namatay sa palpak na operasyun ng pamahalaan sa panghu-hostage ng isang napatalsik na pulis.
Hindi lang ang mga pulis ang lumabas na palpak. Pumalpak rin ang Malacañang at Department of Foreign Affairs sa tawag ni Donald Tsang, chief Executive ng Hong Kong Special Administrative Region na sakop ng higanteng People’s Republic of China.
Hindi pinakausap kay Pangulong Aquino si Tsang nang tumawag ito ng hapon pa lang. Una sabi ang aide ni Aquino na nakatanggap ng tawag ay hindi kilala kung sino si Tsang. Umiba na ang linya ng Malacanang ngayon. Sabi kilala naman daw si Tsang kaya lang hindi raw sila sigurado kung si Tsang nga dahil sa trunkline tumawag at wala naman daw pasabi muna. Kaya itinuro sa Department fo Foreign Affairs.