Tungkol sana sa report ng Incident Investigation and Review Committee (IIRC) ang aking kolum ngayong araw at sinimulan ko na habang ako ay nagmu-monitor sa TV ng hearing sa Senado ng imbestigasyon sa jueteng.
Aba, biglang narinig ko ang pangalan ni Gretchen Barretto . Mas interesante ito, sabi ko.
Actually, hindi sangkot si Gretchen sa jueteng. Lumabas ang pangalan niya kasi tinanong ni Sen. Jinggoy Estrada si retired Archbishop Oscar Cruz kung may kuma-usap sa kanya na maghinay-hinay sa pagtuligsa kay Interior Undersecretary Rico E. Puno.
Hindi primero naintindihan o narinig ng husto ni Cruz ang tanong. Sinabi niya “Wala.” Nang maintindihan niya, sinabi niya “Meron.” Nang tanungin niya kung sino, hindi niya kaagad maala-ala ang pangalan. Nagtanong siya sa kanyang kasama na nasa likuran niya. Ngunit dahil bukas ang mike, naririnig ang kanyang tanong, “yung partner ni Barretto?”
Sabi nga ni Sen. Jinggoy Estrada, showbiz na rin pala ito.