Kaya naman pala inis na inis si Pangulong Aquino sa travel advisories ng limang bansa na iwasan ang Pilipinas dahil sa banta daw ng mga terorista. Umiiyak na raw ang mga Philippine tour operators sa mga kanselasyon ng package tours galing Hongkong at China, tapos dadagdagan pa nitong travel advisories, talaga ngang nakakabahala.
Kaya lang sa halip na mainis sa ibang bansa na nagpu-protekta lang ng kanilang mamamayan, dapat ayusin natin ang pamalakad dito sa atin at iyan ay dapat manggagaling kay Aquino. Ang problema lang hindi nakakabigay ng kumpyansa ang kanyang mga aksyun at sinasabi.
(Click here for the interview of Aquino by Ted Failon on terror threat: http://www.abs-cbnnews.com/video/nation/11/04/10/terror-report-raw-unverified-noynoy-1-1-ted#ooid=hvMXhzMTrHxTB7iLpEMl4REPPznJGFEb)
Ang bansang United States, Britain, Australia, Canada, New Zealand at France ay nagpalabas ng babala sa kanilang mga mamamayan na iwasan ang ilang bansa na may impormasyon silang baka umatake ang mga terorista. Isa sa kanilang listahan ay ang Pilipinas.