Itong mga nakaraang linggo, dalawang hairstyle ang nasa front page ng mga diyaryo at umiikot sa Facebook.
Ang isa ay ang hairstyle ni Navotas Rep. Toby Tiangco nang siya at tumestigo para sa defense sa impeachment trial ni Chief Justice Renato Corona at ang isa ay yung kay Charice Pempengco, na ngayon ay talaga namang sikat na sikat na sa mundo sa larangan ng pop music.
Si Tiangco, na tumestigo na ang kanyang pork barrel o Priority Development Assistance Fund ay inipit nang hindi siya pumirma sa resolution para i-impeach si Corona ay dumating sa Senado na ang buhok ay parang kulay ng Dalmatian. Hinaluan ng kulay abo at puti ang buhok at nakatayo na parang nagulat.
Sabi nga ng isang kolumnista, sino ito, lalaking Cruella de Ville? Si Cruella de Ville ang kontrabidang karakter na ginampanan ni Glenn Close sa pelikulang 101 Dalmatians.