Tuwang-tuwa ako sa Facebook shoutout ni dating Lt(sg) Manuel “Cash” Cabochan noong Linggo ng gabi.
Halatang excited na siya sa kanyang paglaya pagkatapos ng sobra pitong taon na pagkulong dahil nanindigan sila laban kay Gloria Arroyo mula pa noong Hulyo 2003 sa Oakwood. Inulit nila ang kanilang paglaban kay Arroyo noong Nobyembre 2007 sa Manila Peninsula.
Sabi ni Cash paglabas na paglabas niya ang gusto niya gawin ay “kumain ng fishball sa sidewalk..pwedeng sumama, bawal kumontra.”