Hindi pa sinasabi ni Sen. Benigno “Noynoy” Aquino III. ang kanyang desisyon kung siya ay tatakbo sa pagka-presidente na siyang panawagan ng iilang mga kolumnista at sinasabing eksperto sa pulitika.
Ngunit sa himig ng kanyang pananalita, parang natatanto ko na sa ngayon, mas nahihiling siya kung saan siya ngayon: sa Senado.
Guest si Noynoy sa “Strictly Politics” sa ANC noong Martes at sinabi niya na sa tatlong konsiderasyun na kanyang basehan ng kanyang desisyon.
Ang isa doon sa dalawa ay ang opinyun ng kanyang mga kapatid. Sabi ni Noynoy, hindi boto si Pinky at si Viel. Si Kris naman nagsabi siya noong ininterview siya sa Manila Memorial Park noong pansiyam na araw ng pagkamatay ni Pangulong Cory Aquino na “ayaw ni Mom” yan.